खजुरा : सबल कृषि अनुसन्धान आयात प्रतिस्थापन र खाद्य सम्प्रभुतामा योगदान भन्ने नाराका साथ नेपाल कृषि अनुसन्धान परिषद(नार्क)को ३२ औं स्थापना दिवस बाँकेमा पनि मनाइएको छ ।
बाँकेको खजुरामा रहेको कृषि अनुसन्धान निर्देशनालयले अन्तरक्रिया गरेर शुभकामना आदान प्रदान गर्दै नार्क दिवस मनाएको हो । त्यस्तै, खजुरामै रहेको कोशेबाली अनुसन्धान कार्यक्रमले विभिन्न जातका फलफुलका विरुवा कार्यालय परिसरमा रोपेर दिवस मनाएको छ । कोशेबाली अनुसन्धान कार्यक्रमका संयोजक डा. राजेन्द्र दराईका अनुसार कार्यालय परिसरमा सरसफाई र फलफुलका विरुवा रोपण गरिएको हो । स्याउ, कटहर, सितलचिनि र एबोकाडोका फलफुलका विरुवा रोपण गरिएको संयोजक डा. दराईले जनाए ।
