नेपालगन्ज : बाँकेका बंगुर पालक किसान छविलाल भण्डारीले पालेको बंगुर मरिरहेका छन । व्यवसायिक किसानका रुपमा जिल्लामा परिचित भण्डारीको अफ्रीकन स्वाइन फीवर लागेको हुन सक्ने अनुमान गरिएको छ ।
नेपालगन्ज २० मा रहेको उनको फार्ममा बंगुरलाई लक्षण अफ्रीकन स्वाइन फीवर जस्तै देखिएको उनले बताए । १५ लाख बराबरको बंगुर मरिसकेको छ । २५० साना बंगुर र ३५ वटा माउ र विर मध्य अहिले खोरमा ३,४ वटा मात्र बाँकी छन । उनि सगैं नजिकै रहेका गाउँमा पनि किसानले पालेका बंगुरहरु धमाधम मरिरहेका छन । हालसम्म अनुदानका रुपमा कुनै सहयोग नपाएका किसान भण्डारीले दुख सुख गरेर स्वदेशमै केहि गरौ भनेर लागेका थिए ।
सबैका उदाहरणिय बनेका किसान भण्डारीले बंगुर पाल्न थालेको ८ वर्ष भैसकेको छ । यसरी एकै पटक सबै बंगुर मरेपछि उनको हौसला समेत मरेको छ । बंगुर मरेको जानकारी उनले सम्बन्धित निकायहरुमा समेत दिएका छन । तर, कुनै सुनुवाई भएको छैन –उनले भने ।
