खजुरा : लुम्बिनी प्रदेश सरकारको एक मात्र सरकारी कुखुरा विकास फार्म खजुराले ग्रामिण पर्यटन प्रर्वद्धनको कार्यलाई तिव्रता दिएको छ । फार्मले विभिन्न ग्रामिण समुदायका किसानहरुलाई तालिम दिने कुखुरा पालन सम्बन्धि सचेतना फैलाउने काम गर्दै आएको हो । कुखुरा विकास फार्मले होमस्टे भएका स्थानहरुमा विशेषगरि ग्रामिण पर्यटन प्रवद्र्धनका लागि कुखुरा पालन तालिम संचालन गरिरहेको छ ।
कुखुरा विकास फार्मको आयोजनामा रुपन्देहिको सियारी गाउँपालिका वडा नम्बर ५ मा रहेको छत्याल होमस्टेमा कुखुरा पालन तालिम संचालन गरेको हो । पशुपन्छि तथा मत्स्य विकास निर्देशनालय लुम्बिनी प्रदेशका निर्देशक प्रवेज आलमको प्रमुख आतिथ्यमा तालिम भएको हो । तालिममा बोल्दै निर्देशक आलमले ग्रामिण स्तरमा रहेका साना किसानहरुको आर्थिक अवस्था सुधार गर्न आवश्यक रहेको बताए । ग्रामिण किसानहरुकै कारण पर्यटन प्रवद्र्धनमा टेवा पुगेकाले यसमा कुखुरा पालनलाई विशेष जोड दिन आग्रह गरे । निर्देशक आलमले प्रदेश सरकारले किसानका समस्या पहिचान गरि समाधानका उपाय खोजि नयाँ कार्यक्रमहरु पनि संचालनमा ल्याएको बताएका थिए ।
लुम्बिनी प्रदेशमा साना किसानलाई प्रतक्ष प्रभाव पार्ने गरी कुखुरा विकास फार्म मार्फत ग्रामिण कुखुरा पालन सम्बन्धि तालिम दिएको जनाए । माछाको लागि प्रख्यात रहेको सियारी गाउँपालिकामा कुखुरा पालनलाई बढवा दिन ग्रामिण किसानलाई तालिम दिइएको कुखुरा विकास फार्म खजुराका फार्म प्रवन्धक डा. शकर न्यौपानेले जानकारी दिए । तालिम पच्यात २० जना किसानहरुलाई ४५० वटा ६ हप्ते स्थानिय तथा ग्रामिण कुखुरा लगाएत सेवा टेवा फार्मले उपलव्ध गराउने फार्म प्रवन्धक डा. न्यौपानेले जानकारी दिए ।
कार्यक्रममा भेटेरिनरी अस्पताल तथा पशुसेवा विज्ञ केन्द्र रुपन्देहीका प्रमुख दिपक भुसाल, कुखुरा विकास फार्म खजुराका अधिकृत छैठौ कर्मध्वज छत्याल, २० जना ग्रामिण किसान, स्थानिय समाजसेवि, जनप्रतिनिधि लगाएतको उपस्थिती रहेको थियो ।
